BBK Off Festival Breves.

Osteguna
08
Uzt 2021
18:00h HEGOAK/ALAS Gerra baten erdian, habia bat agertu da zabortegi batean. Han jaio dira bi gizon-txori, umezurtz eta haiek elikatuko dituen inor gabe, habia utzi behar dutenak. Txori-gizonetako batek, Alagrande deituko diogunak, hegal boteretsuak ditu, baina bertigoa dauka eta horrek hegan egitea eragozten dio. Bestea, Alachica deituko duguna, gizon-txori ausarta da, baina hegalak txikiegiak ditu hegan egiteko. Berehala ulertuko dute haien bidegurutzea: Alachicak hegan egin ahal izateko Alagranderen hegalak beharko lituzke eta, Alagrandek, berriz, Alachicaren ausardia. Txoriei buruzko istorio bat aurkeztu dizuegu gizakion tragedia bati begira jarri ahal izateko. Gertakizunak maitasunez, ausaz eta etsipenez taxututa daude eta, ondo landutako tragedietan egiten duten moduan, irribarrea ere txertatuta dakar. FITXA ARTISTIKOA: ANTZEZLEAK: Joseba Uribarri (Alachica), Gorka Martin (Alagrande) eta Yolanda Bustillo (Muñeca de vertedero); AGERTOKIA: Joseba Uribarri eta Borja Ruiz; EKOIZPENA: Kabia Teatro; DRAMATURGIA eta ZUZENDARITZA: Borja Ruiz.   18:30h DOS PIES PARA DOS Dos pies para Dos izenburuko antzezlana dantzari belgikar batek eta euskal dantzari batek sortutako bikotea da. Lan honetan bidaiatzera gonbidatuko gaituzte eta bide horretan jarraitu behar izateak etenik ez daukan jarioa ikusten utziko digu, lankidetzari esker geldituko ez dena. Aparteko gorputz biren arteko harremana partekatzen saiatuko dira eta, hala eta guztiz ere, gorputz horiek, guztiaren gainetik, elkarri eskainiko diote beren burua, baita bestearen esku utzi ere, gorputza borrokagune izatetik elkarlanerako eremua izatera bitarteko marra fin-fina dela ikusarazteko. Dantzari-bikotea, kontra jarritako gorputz bi, bestelako ikuspegiekin, baina egoera berean eta eremu bakarrarekin. Antza denez, lankidetza dute aurrera egiteko modu bakarra. 15 minutuko bikote koreografiko honetan, antzezleek eta ikusleek Euskal Herriko soinu-grabazioez osatutako paisaia bat entzun ahal izango dute, proiektu hau sortu zen lekua. Alde batetik, soinu horiek antzezlanaren haria osatzen dute baina abiapuntu oso interesgarria izango dira sorkuntzari hasiera emateko eta ezagutzen ez dugunaren bilaketan murgiltzeko, hain zuzen, ezagunak zaizkigun soinu horien bidez. Orokorrean ikusle guztiei zuzendutako antzezlan hau beraiek osatutako zirkulu baten barruan garatuko da. Horren ondorioz, topaketa honetan ez da laugarren hormarik egongo. Bikotea ibiliko den espazioa elkartrukerako une honen barruan egongo da eta, horregatik, gure ustez, antzezlana partekatzeko lekua eta modua zaintzeari oso garrantzitsu deritzogu, guztiok bidaide izan gaitezen. FITXA ARTISTIKOA: Antzezleak: Olaia Valle eta Guilles Nöel.   19:00h AMSIA Iraganean sortu eta amaitutako euskal musika esperimentala ordezkatu zuen ezkutuko irudi horietako bat da AMSIA. "Carlos Desastre" izeneko batek Azkoitiko hiltegian (Gipuzkoa) duela hamarkada pare bat bataiatuta, "Beste musikak" edo "Musika arriskutsuak" deritzon bertako musika-eszenaren bilakaera islatu zuen labur-labur. Mugimendu hura zarata eta soinuaren bidez edertasuna bilatzeko enegarren saiakera baino ez zen izan, tradizioak eta folkloreak paisaia osatzen duten leku batean.   Bakartia eta erabat elektronikoa da. Gaur egun, bere lana MIDI orkestrarako moldaketetan oinarritzen da, soinu sintetizatuekin, biniloekin eta sampler andanarekin batera, kutsu dramatiko eta kezkagarriko doinuez aurreikusi ezineko emaitza kaotikoa duen doinu-collagea osatzeko. Haren bitartez, edertasun bitxia daukan eta antolatu barik dagoen soinuzko iruditerian murgilduko gara.   tiketak  
Sarrerak: Dohainik

5€

Tematikoak

Skip to content