Tracking Bilbao 10: Mongolity

Mongolia aldizkariaren barietate-show berri honetan alderdi komikoa eta serioa, gogoetatsua eta basatia nahastuta agertuko dira, errealitatea bere hartan erakusteko asmoz: barregarria bezain etsigarria, basatia bezain nahasia. Bertan, Mongolia aldizkariaren ordezkarien eskutik honako dimentsioak nahastuta agertuko zaizkigu: Silvia Sparks komiko eta erredaktorearen umore beltza; Dario Adantiren satira politikoa; Pere Rusiñol Reality News-aren arduradunaren zuzeneko kazetaritza; eta ikus-entzunezkoen ardura daukan Juan Pajaresek berak prestatutako bideoak. Haiekin batera, beti bezala, Rapa Carballo itzalpeko mongoliarraren arte-zuzendaritza izango dugu.