Rockin’ Bizi: AC/DC-ren munduan

BBK Familiak: bizipen honetan, rockaren hastapenak ikasteko aukera ematen zaio familia osoari. Horretarako, karisma handieneko musika-talde historikoetako batzuen bertsioak egiteko elkartutako hainbat talderen kontzertuak egongo dira, eta eskainiko kanten bidez, talde horietako bakoitzaren historia gogoan izango dugu. Kontzertua hasi baino lehen, Nerea Aliasek, irudien bitartez, musika-taldearen historia azalduko digu. Powerages (AC/DC Bon Scott Tribute) musika-taldea Bilbokoa da eta AC/DC taldearen kanten bertsioak egiten dituzte. Australiako bandaren lehenengo etapa izango dute gogoan, Bon Scott abeslari zutenekoa. Jaialdi handietan eta jai-esparruetako agertokietan jo dute. Bolumena kontzertu konbentzionaletan baino baxuagoa izango da.