Oleanna

Unibertsiateko ikasle bat da Carol, eta irakaslearen bulegora joango da irakasgaian jarri dion nota igotzeko eskatzera: premisa sinple honetatik abiatzen da David Mamet-en lanik asaldatzaileenetako bat. Oleanna bi pertsonaren arteko botere-borroka da. Hori bai, borroka gupidagabea, non, sexu-jazarpenaz gain, indarrean dagoen sistema akademikoa jarriko den zalantzan, iradokiz badela lehen begiratuan ematen duena baino zerbait gehiago.