Jennie Abrahamson

Suediako iparraldean jaioa, Savar hiri txikian, Jenniek hainbat urte eman zituen zenbait artistarekin jotzen. Ondoren, 2006an, bakarkako ibilbideari ekin zion. Harrezkero, 4 disko argitaratu ditu, zeinak laudorio ugari jaso dituzten.

2011tik jardunean dabil, bere taldearekin birak egiten, baita Ane Brunekin ere; berriki, bere haurtzaroko idolo Peter Gabrielekin jo du, honen bira europarrean eta Ipar Amerikan zehar egindakoan. 2014ko udazkenean kaleratua, “Gemini Gemini” Jennie Abrahamsonen laugarren diskoa da.