BBK MENDI FILM BILBAO-BIZKAIA

15. NAZIOARTEKO MENDIKO ZINEMALDIA

IRETARGI (3')

Zuzendaria: Janire Etxabe

Herrialdea: Espainia

Urtea: 2022

V.O. Audiorik gabe

Otsoen ilargia, 2022ko otsaileko ilargi betea, Etxaurin. Dantza bertikalaren eta eskaladaren arteko fusioa. Ilargia orraztuz dantzan dabilen lamia, eta eszenarekin liluratuta dagoen kamera. Phelipe Eizagirrek, Yhabrilek eta Janire Etxabek gorpuztutako sekuentzia artistikoa..

LOBOS | Mendi Film Bizkaia Ternua Beka 2022 (30')

Zuzendaria: Marina García

Herrialdea: Espainia

Urtea: 2022

V.O. Gaztelania-Bable

Asturiasko herri txiki bateko biztanleak, abeltzainak izanik, otsoa ehizatzearen alde daude. Errespetutik eta ezagutzeko jakin-minetik abiatuta, eguneroko errealitate bat partekatuko da.  Politika ere zirrikituetatik barrena agertuko da, eta problematikaren jatorriari buruz gehiago jakiteko giltza da, hein batean. Herriko jendea, gauetan entzuten dituen otsoen beldur da, eta haien kezken erretratua da hau. Eta, aldi berean, hausnarketa bat gure iragan kulturalari buruz, gure begirada superstizioso, mitiko eta moralari buruz.

ALPINE TRILOGY (DOGGYSTYLE) (44')

Zuzendariak: Damien Largeron, Brian Mathé & Morgan Monchaud

Herrialdea: Frantzia

Urtea: 2021

V.O. Frantzesa-Ingelesa / Azpitituluak: Gaztelania-Ingelesa

2020ko udan, Nicolas Favresse eta Sébastien Berthe eskalatzaile belgikarrek bizikletaz bidaia bat egin zuten Alpeetako hiru bide gogor eskalatzea helburu zutela: "End of Silence", "Des Kaisers neue Kleider" eta "Silbergeier". Damien Largeron kamerografoa izan zuten bidaide, eta Kroux eta Bintje txakurrak ere bai! Zer modu hoberik zure maskotekin bizikletan ibiltzea baino, hiru bide mitikoen jomugak lotzeko? Bi asteko karabana alai bat, azken urteetako eskalada-balentriarik handienetako bat aurrera eramateko.

JOY (22')

Zuzendaria: Aner Etxebarria Moral

Herrialdea: Espainia

Urtea: 2022

V.O. Ingelesa-Swahili / Azpitituluak: Euskera-Gaztelania

Nola sentituko zinateke bi familiaren ama bazina? Bata gizakiez osatutakoa, eta bestea gorila basatiez osatutakoa. Joy-ren istorioa da: ama senez Favour eta Abie seme-alaben zaintzan jarduteaz batera, Mgahinga Parke Nazionalean, Ugandan, bizi den mendiko gorila familia bakarraren babesean diharduen emakume ranger gaztea da Joy. Nyakagezi gorila familia da, 9 kidez osatua; munduan aske bizi diren mendiko azken 1000 goriletako 9 dira familia horretakoak.

Informazio gehiago: www.mendifilmfestival.com