BBK MENDI FILM BILBAO-BIZKAIA

15. NAZIOARTEKO MENDIKO ZINEMALDIA

IAMF GRAND PRIZE: Michael Dillon

EVEREST - SEA TO SUMMIT (59')

Zuzendaria: Michael Dillon
Herrialdea: Australia
Urtea: 1992
V.O. Ingelesa / Azpitituluak: Euskera-Gaztelania

Tim Macartney-Snape alpinista Everest gailurrera oxigenorik gabe igo zen 1984ko udazkenean. Halakorik lortutakoen zerrendan 16.a izan zen. Haren lagun Michael Dillon zinegilea, ordea, ez zuen balentria hark harritu. Hala esan zion: “Hara adiskide, lorpen polita da zeurea, baina ez duzu guztiz ongi egin. Mendiaren garaiera itsas-mailatik neurtzen da, beraz behar bezala igo duzula esan ahal izateko handik abiatu beharko zenuke”. Macartney-Snape izan zen hori lortzen lehena, 1990ko udaberrian. “Everest Sea to Summit” berriro inork egin ez duen epopeia haren istorioa da. Mendiko zinemaren historian izan den filmik sarituenetakoa.

DOO SAR (46')

Zuzendaria: Jakub Gzela
Herrialdea: Polonia
Urtea: 2021
V.O. Poloniera-Ingelesa / Azpitituluak: Gaztelania-Ingelesa

Bi tontor, bi lagun eta bi eski-jaitsiera. Andrzej Bargiel eta Jędrek Baranowski Karakorum mendigunean. The Karakoram Ski Expedition delakoaren helburua Hushe haranean kokatutako bi seimilako eskalatzea eta eskiatzea zen: Yawash Sar II tontorra (6.178 m) eta Laila tontorra (6.096 m). Espedizioaren beste helburua eremu berriak aztertzea zen, etorkizuneko bidaietarako jomugen bila. Espedizioa % 100ean burutu zen. Bi tontorrak igotzea lortu zuten, baita eskiatuz jaistea ere, hamar eguneko tartean.

Informazio gehiago: www.mendifilmfestival.com