Zinecittà: “Fuocoammare”

Italiako zinemari buruzko zikloa Bilbon. Sustatzailea: Euskaditalia. Laguntzaileak: ZINEBI eta Bizkaiko italiar saltegiak. Film laburren atala: “Zinecittà Express”. Proiekzioa: “Fuocoammare” (Gianfranco Rosi, 2016). Lampedusa uhartea Italiako hegoaldeko muturrean dago eta, 1990az geroztik, Afrikako lurretatik etorkin ugari heldu dira bertara itsasontziz, mugetan araututa dauden bideetatik kanpo. 20 urte baino zertxobait gehiagotan, 20.000 lagun baino gehiago ito dira itsasoa zeharkatzeko bidaia horretan, izan ere, haietako askorentzat horixe da Europara sartzeko bide bakarra, gerratik eta gosetik ihes egitea lortzeko. Samuel uharte hartan bizi da, 12 urte ditu, eskolara joaten da eta habailarekin jaurtikitzea nahiz ehizara joatea gustatzen zaio. Lehorreko jolasak ditu gustuko, bere ingurune osoa itsasoari nahiz irlara heltzeko hura zeharkatzeko ahaleginetan dauden gizon, emakume eta umeei begira dagoen arren.